Isumaginninnermi suliatigut nakkutilliisoq Nakkutilliinermik Ingerlatsivimmut - Namminersorlutik Oqartussat
Naalakkersuisut - Grønlands Selvstyre
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job
Qinnuteqaat nassiuguk
Isumaginninnermi suliatigut nakkutilliisoq Nakkutilliinermik Ingerlatsivimmut
Nakkutilliinermik Ingerlatsivimmi inatsisilerinikkut imaluunniit isumaginninnermi suliatigut nakkutilliisoq.
Nakkutilliinermik Ingerlatsivik Isumaginninnermut, Ilaqutariinnut, Suliffeqarnermut Nunamullu Namminermut Naalakkersuisoqarfimmi immikkoortortaqarfiusoq, nammineersinnaalluartumik misilittagartuumillu inatsisilerituutut imaluunniit inunnik isumaginninnermi siunnersortitut tunuliaqutaqartumik nakkutilliisartussamik 1. december 2024 imaluunniit tamatuma kinguninngua atorfinissinnaasumik sulisussarsiorpoq.
Nakkutilliinermik Ingerlatsivik
Nakkutilliinermik Ingerlatsivik Isumaginninnermut, Ilaqutariinnut, Suliffeqarnermut Nunamullu Namminermut Naalakkersuisoqarfiup ataani arlaannut attuumassuteqarnani immikkoortortaqarfittut ingerlatsiviuvoq, maannakkorpiaq ataatsimik pisortaqarluni aammalu sisamanik (4) nakkutilliisartunik sulisoqarluni.
Nakkutilliinermik Ingerlatsiviup nakkutilliisarnerit assigiinngitsut marluk (2) ingerlattarpai:
- Isumaginninnermut inatsisini malittarisassanik kommunit malinninnerannik aqutsinermilu malittarisassat naapertorlugit aqutsinerannik nakkutilliineq. (Pingaarnertut nakkutilliineq)
- Ulloq unnuarlu paaqqinniffinnut suliassaqarfimmik ingerlatsinikkut, aningaasaqarnikkut perorsaanikkullu nakkutilliineq.
Takorloorparput
- Cand.jur-itut imaluunniit inunnik isumaginninnermi siunnersortitut ilinniagaqarsimasutit naleqquttunillu allagartartaarfiusumik ilinniagaqaqqissimasutit, soorlu cand.soc-imik imaluunniit ilinniaqqiffiusumik assingusinnaasumik.
- Inatsisit inatsisilinerullu iluani suliaqarnermik misilittagaqartutit, pingaartumik inunnik isumaginninnermut inatsisit aammalu pisortat ingerlatsineranni inatsisitigut sinaakkusiussat iluanni suliaqarnermik misilittagalik.
- Inunnik isumaginninnermut suliassaqarfimmi ukiuni arlalinni suliaqarnermik misilittagaqartutit, aammalu suliatigut qaffasissusermik pingaartitsisuusutit.
- Qanilaartuusutit, ineriartortitseqataanermik suleqatigiinnermillu pingaartitsisuusutit.
- Inoqatinnut ataqqinnittumik akuersaartumillu attaveqallaqqissuusutit, aammalu inatsisilerituujunngitsunut inatsisit kiisalu isumaginninnermi suliatigut maleruagassat qanoq paasineqarnissaannik nassuiaallaqqissuusutit – oqaasiinnakkut allattariarsornikkullu.
- Allat utaqqeqqaarnagit namminersorlutit aaqqissuussaasumillu sulisinnaasutit.
- Oqaluttarissatigut allattarissatigullu oqaasertaliornermut piginnaasaqarluartutit.
- Pitsaassuseq appartinngikkaluarlugu suliassat piffissalerneqarsimasut naammassisinnaassagitit.
- Kalaallit Nunaanni pissutsinik, kalaallit oqaasiinik kulturiannillu ilisimasaqartutit.
Ilinnut neqeroorutigisinnaavagut
- Suliffeqarfik aalajangiisinnaassuseqarnermik namminerlu sulisinnaassusermik pingaartitsisoq, ulluinnarni illit sulinissannut nammineerlutit sunniuteqaqataaffiginissaanut pitsaasumik periarfissalik
- Kalaallit Nunaanni annertuumik angalasarnissat, angalanerni sapaatip akunnera ataaseq (1) sinnerlugu angalasinnaallutit
- Atorfik akisussaaffeqarfiusoq, allanngorarsinnaasoq, unammilligassaqarlunilu pissanganartunik misigisaqarfiusoq, suliamut inummullu ineriartuutaasinnaasunik periarfissaqartitsisoq.
Illit suliassatit
- Nakkutilliinissap piareersarneqarnera kalerriutigineqarneralu, aamma nakkutilliinermut atatillugu paasissutissanik katersisarneq
- Kommunit ingerlatsiviinik isumaginninnermilu ulloq unnuarlu paaqqinniffinnik nakkutilliilluni tikeraartarneq
- Nakkutilliinermut nalunaarusianik suliarinninneq, matumani nakkutilliinermut atatillugu qisuariarnerit allat aammalu peqqussutit pillugit siunnersuusiortarnerit ilanngullugit.
- Nakkutilliinermik Ingerlatsivimmi suleqatinnut inatsisit pillugit aammalu isumaginninnermi suliatigut siunnersuineq
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Ulloq sulilerfissaq
1. december 2024 imaluunniit tamatuma kinguninngua.
Paasissutissat sukumiinerusut
Atorfik pillugu annertunerusumik paasisaqarusukkuit Nakakkutilliinermik Ingerlatsivimmi pisortaq Johan Lund Olsen oqarasuaat 00299 555485 atorlugu attaveqarfigisinnaavat, imaluunniit e-mailikkut ugguuna: [email protected] attaveqarsinnaavutit.
Ulloq qinnuteqarfissaq kingulleq
11. oktober 2024 nal. 12.
Atorfinitsitsinissamut oqaloqateqarnissat tamatuma kingorna piaarnerpaamik ingerlanneqassasut naatsorsuutigineqarput.
Ataani link atorlugu qinnuteqaat nassiunneqassaaq.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Previous Next
Immikkoortoq:
FacebookTwitterLinkedInE-mailUdskriv
Qinnuteqarnissamut piffissaliussaq:
oktobarip 11.-at, 2024 12:00
Saaffigisassaq:
Johan Lund Olsen
346693
Atorfinitsitsinermi pissutsit:
Nal. atorfinitsitsineq
Atorfinitsitsinerup suussusaa:
Piffissaq tamakkerlugu suliffik
Atorfinitsitseriaaseq:
Isumaqatigiissutit tunngavigalugit piumasaqaatit
Suliassaqarfik:
Inunnik isumaginnittoqarfik
Nunap immikkoortua:
Kommuneqarfik Sermersooq
Naalakkersuisoqarfik:
Departementet for Sociale Anliggender, Arbejdsmarked og Indenrigsanliggender
Imaneq 4
Opslaget er indhentet automatisk fra virksomhedens jobsider og vises derfor kun som uddrag. Log ind for at se det fulde opslag eller gå videre til opslaget her: