Groenlandicamut atuagaatilerisoq - Namminersorlutik Oqartussat
Naalakkersuisut - Grønlands Selvstyre
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job
Qinnuteqaat nassiuguk
Groenlandicamut atuagaatilerisoq
Groenlandicami atuagaatilerisutut atorfik inuttassarsiuunneqarpoq apriilip aalaqqaataaniit 2025 isumaqatigiissuteqarnikkulluunniit sulilersussamik.
Groenlandica Nunatta Atuagaateqarfiata immikkoortortaraa. Ilimmarfimmi inissisimavoq Ilisimatusarfiullu atuagaateqarfia illoqatigalugu. Groenlandicami kulturikkut kingornussassanik katersineq, nalunaarsuineq tammatsaaliuinerlu suliarineqartarput.
Suliassat:
- Saqqummersitsisut tunniussisussaatitaaneq malillugu saqqummersitaannik piniarnissamut akisussaasoq
- Nittartakkami Groenlandicamut tunngasuni administratori aaqqissuisorlu kiisalu nittartagalerisut suleqatigalugit nittartakkamik nutarsaaneq ineriartortitsinerlu
- Groenlandicap Facebookiani suleqatit suleqatigalugit ineriartortinnissaa nutartertuartarnissaalu administratoritut aaqqissuisutullu akisussaaffigalugit
- Katalogiseriineq, teamimilu katalogiseeringikkanut kukkunersiuineq
- Atuagaatinik allanillu katersaatinik nalunaarsuineq
- Saqqummersitassanut aaqqissuussinernullu avammut nittarsaassineq
- Ilimmarfiup Atuagaateqarfiata ammanerani atuisunut sullissineq
Naatsorsuutigaarput:
- Atuagaatilerisutut bibliotekar, DB imaluunniit Ilisimatusarfimmit cand.magitut ilinniarsimassasutit
- Katalogiseriinermik suliaqartarsimassaguit iluaqutaassaaq
- Bibliotekssystemi Cicero imaluunniiit biblioteks systemit allat misilittagaqarfigigitit
- Kalaallit kulturiannut atuakkialerinerannullu soqutiginnittuussaatit
- Tulleriiaarillaqqissuusutit suliannullu peqqissaartuusutit
- Kiffartuussinissamut atuisunullu assigiinngitsunut sullissisinnaasutit
- Oqaatsinik arlalinnik piginnasaqassasutit, kalaallisut oqaatsinik ilisimasaqarneq iluaqutaasinnaavoq piumasaqaataanngilarli
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Previous Next
Immikkoortoq:
FacebookTwitterLinkedInE-mailUdskriv
Qinnuteqarnissamut piffissaliussaq:
februaarip 17.-at, 2025
Saaffigisassaq:
Henriette Christensen
+299 36 23 90
Atorfinitsitsinerup suussusaa:
Piffissaq tamakkerlugu suliffik
Atorfinitsitseriaaseq:
Isumaqatigiissutit tunngavigalugit piumasaqaatit
Suliassaqarfik:
Eqqumiitsuliorneq piorsarsimassuserlu
Nunap immikkoortua:
Kommuneqarfik Sermersooq
Naalakkersuisoqarfik:
Grønlands Landsbibliotek / Nunatta Atuagaateqarfia
Imaneq 26
Opslaget er indhentet automatisk fra virksomhedens jobsider og vises derfor kun som uddrag. Log ind for at se det fulde opslag eller gå videre til opslaget her:
