KTI Oqaatsinik Pikkorissaavik danskisut aamma tuluttut ilinniartitsisumik Oqaatsinik Pikkorissaanermut ataatsimik sulisussarsiorpoq - Namminersorlutik

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk

KTI Oqaatsinik Pikkorissaavik danskisut aamma tuluttut ilinniartitsisumik Oqaatsinik Pikkorissaanermut ataatsimik sulisussarsiorpoq

Danskisut aalajangersimasumik ilinniartitsisorput nutaanik unamminartunik suliassarsiormat danskisut aamma tuluttut ilinniartitsisussarsiorpugut annerpaamik danskisut tunngasunik akisussaaffeqartussamik, sukumiisumik pikkorissartitsinernut ilinniartitserusuttumik aamma atortunik nutaanik pikkorissakkatsinnullu pikkorissariaatsinik nutaanik ineriartortitsinissamut qunujaanngitsumik sulisussarsiorpugut.

Atorfimmi aallartissaaq: 1. martsi 2025 imaluunniit isumaqatigiissuteqarnikkut.

Atorfik pillugu
Oqaatsinik Pikkorissaavimmi ilinniartitsisutut illit oqaatsinik ilinniartitsinermi isumassarsillaqqissuseq qitiutippat. Danskisut aamma tuluttut pikkorissartut inersimasuupput oqaatsitigut piginnaasaqarnerminnik qaffassaarusuttut amerlanertigullu kalaallisut inunnguutsiminnik oqaaseqartuullutik. Taamaattorli danskisut pikkorissarnerni pikkorissartuutitta nunanit assigiinngitsuneertartut amerliartorput.
Iluaqutaassaaq kalaallisut oqalussinnaaguit, kisianni tamanna piumasaqaataanngilaq.
Ilinniartitsisutut illit pikkorissartitsinerit pineqartut atortullu pillugit nutaamik eqqarsariartaaseqarnissamut ineriartortitsinissamullu periarfissaqassaatit, kiisalu tamatigoortumik oqaatsinik ilinniartitsineq allattarfissuarmik taamaallaat tunngavilersuinertaqanngitsoq misilissavat.
Suliffigisassaq pingaarneq tassaavoq Sisimiut, kisianni Kalaallit Nunaat tamakkerlugu sulliffigisaratsigu atorfimmut atatillugu angalasarnissamut piffissaq atortariaqartassaaq.
Immikkoortortaqarfik aqutsisoqarpoq, allaffimmi kontorfuldmægtigeqarluni aamma marlunnik ilinniartitsisoqarpoq tuluttut kalaallisullu ilinniartitsisunik, kiisalu ilinniartitsisut avataani inissisimasut aalajangersimasumik amerlassuseqartut. Illit tassa suleqatigiinni ikittuusuni, sullerissuusunili, ilaalissaatit, tassani suleqatigiinnerup aamma ilinniartitsinermi pitsaassutsip qaffasissuunissaanik qitiutinneqarluni, oqaatsillu pillugit fagini sorlerni ilinniartitsisuuneq apeqqutaatinnagu suleqatigiinneq pitsaassutsimut piumasaqaataalluni.

Kissaatigaarput

• Illit tulluartumik ilinniagaqartuunissat, soorlu assersuutigalugu danskit aamma tullutut oqaasiinik akademiskiusumik ilinniagaqarneq imaluunniit ilinniartitsisutut ilinniagaqartuuneq danskit aamma tullutut oqaasiinik pingaarnertut immikkut ilinniagaralugit
• Inersimasunik ilinniartitsinermik misilittagaqartuuneq, aammalu oqaatsinik allanik ilinniartitsinermik misilittagaqarneq iluaqutaassaaq
• Oqaatsinik ilinniartitsinermi atortussanik ineriartortitsinermik misilittagaqarneq soqutiginninnerlu
• IT/multimedienik misilittagaqarneq soqutigisaqarnerlu
• ungasianit ilinniartitsinermik soqutigisaqarneq aamma misilittagaqarneq iluaqutaassaaq
• Illit fagivit ineriartortinnissaa akisussaaffigerusussavat, soorlu assersuutigalugu pikkorissarnissanik nutaanik ineriartortitsinermut
• ilinniartitsisunik allanik qanimut angusaqarfiulluartumillu suleqateqarnissamut ammasuuneq
• oqaatsinik ilinniartitsinerup allatut aamma allattarfissuaq kisinnaat atornagu ilinniartitsinissamut soqutiginninneq
• Angalanermut piffissamut ataatillugu allanngortoqariasaarnissaanut piareersimaneq aamma sinerissami pikkorissarnernut atatillugu najukkani ataasiakkaani pissutsinut
• kalaallisut oqaaseqartuunngikkuit kalaallisut ilinniarnissamut piareersimaneq

Neqeroorutigaavut

• Atorfik pissanganartoq unamminartortalik sullivimmi avatangiisit isumassarsiffiulluartartut pitsaasuusullu
• Immikkoortortaqarfimmi oqaatsit taakkunanngalu pitsaanerpaamik ilikkagaqarnissaq soqutigisarilluinnarparput
• Oqaatsinik ilinniartitsinermi isummanut aamma aqqutissanut nutaanut ammasuuvugut
• Atorfigisap suliatigut sunniuteqarfiginissaanut periarfissagissaarpoq
• Oqaatsitigut pikkorinnerulernikkut inuit ingerlaqqinnissamut ikiorneqarnissaannut periarfissaqarneq
• KTI-mi immikkoortortaqarfiit allat ataatsimooqatiginissaat suleqatigilluarnissaallu

Atorfik pillugu paasisaqarnerorusukkuit Pisortap tullersortaanut Finn Ommestrup oqarasuaataanut +299 527388 / mail: [email protected] imaluunniit Piitaq Samuelsen oqarasuaataanut +299 547608 / mail: [email protected] attaveqarnissannut tikilluaqqusaavutit.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

Previous Next

Immikkoortoq:
FacebookTwitterLinkedInE-mailUdskriv

Qinnuteqarnissamut piffissaliussaq:
januaarip 17.-at, 2025

Saaffigisassaq:
Finn Ommestrup
+299 52 73 88

Atorfinitsitsinerup suussusaa:
Piffissaq tamakkerlugu suliffik

Atorfinitsitseriaaseq:
Isumaqatigiissutit tunngavigalugit piumasaqaatit

Suliassaqarfik:
Ilinniartitsineq perorsaanerlu

Nunap immikkoortua:
Qeqqata Kommunia

Naalakkersuisoqarfik:
KTI Sisimiut / Tech College Greenland
Adammip Aqq. 2