Nunatsinni Nakorsaaneqarfik qaffasissumik ilinniagalimmik peqqinnissamut tunngasunik soqutigisalimmik sulisussarsiorpoq - Namminersorlutik Oqartussat

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk

Nunatsinni Nakorsaaneqarfik qaffasissumik ilinniagalimmik peqqinnissamut tunngasunik soqutigisalimmik sulisussarsiorpoq

Peqqinnissamut tunngatillugu oqartussatut suliassat arlallit Nunatsinni nakorsaaneqarfimmit isumagineqarput. Maanna suliassaqarfitta iluanni qaffasissumik ilinniagalimmik piginnaaneqarluartumik pissanganartunik unammillernartunillu suliaqartussamik pissarsiorpugut.

Nunatsinni Nakorsaaneqarfik nunatsinni peqqinnissamut tunngatillugu oqartussaqarfiuvoq. Immikkoortumi suliassaqarfiit ilaatigut tassaapput nakkutilliinermut tunngatillugu suliassat, maalaarutinik suliaqarneq, qinngornernut ulorianartunut imminut illersornissaq, suliassat nappaatinut tuniluuttunut tunngasut suliallu avatangiisit sunniinerannik nappaateqalersarnermut nakorsallu pinerlussimanerni paasiniaasarnerannut tunngasut, kiisalu suliassat ilaatigut apeqqutinut peqqinnissamut tunngatillugu inatsisit iluanni apeqqutit pillugit siunnersuinermut tunngasut.
Suliffeqarfeeraavugut maanna tallimanik aalajangersimasunik sulisulik ilinniartumillu ataatsimik saniatigooralugu sulisumik sulisoqarluta.

Suliassat innuttaasut peqqissusaannut tunngatillugu naatsorsueqqissaarnermut tunngasut arlallit Nunatsinni Nakorsaaneqarfimmit isumagineqarput. Ilaatigut toqussutaasut pillugit nalunaarsuineq, kræftimik nappaateqartut pillugit nalunaarsuineq, Sakialluut TB atoqatigiinnikkullu nappaatit tuniluuttut pillugit naatsorsueqqissaarnerit ingerlanneqarput. Paasissutissanik suliaqarnerup saniatigut suliassat tassaapput paasissutissat pillugit nalunaarusiorneq tamanullu saqqummiussineq.
Qinngornernut ulorianartunut illersorneqarnissamut tunngasut tassaapput: Qinngornernut ulorianartunut illiersuineq pillugu inatsimmik atuutilersitsinermut inerisaanermullu tunngatillugu suliassat arlaqartut; qinngornernik ulorianaalitinnik atuinermik, radioaktiviusut pinngorfiinik ilinniartitaanermi ilisimatusarnermilu pisortaqarfinni, Peqqinnissaqarfimmi suliffissuarnilu qinnguartaalluni assiliinermi atortunik nalunaarsuinermik nakkutilliinermillu ilaqartut.
Maalaarutinut tunngatillugu suliat tassaapput peqqinnissakkut sullinneqarnermut tunngatillugu maalaarutinik aallartitsineq kiisalu suliassaqarfimmi tamatumani allatseqarnikkut ataatsimoortitsinissamik inerisaaneq. Allatseqarnermut tunngasut peqqinnissamut tunngatillugu maalaaruteqarsinnaanermik inerisaanermut annertunerusumut ilaapput.
Sulisut ataasiakkaat suliassaasa katitigaanissaat ilutsinni isumaqatigiissutaassammat soqutigisarqarfinnik immikkut ittunik sammisaqarnissamut periarfissaqarluarpoq.

Neqeroorutigaagut

• Suliffik isumalik inuiaqatigiinnut iluaqutaasunik sulialik.
• Ilinniagaqassutsikkut avatangiisinut annikikkaluarlutik assut uummaarissunut akuulernissaq.
• Suliffeqarfik ilinniagaqassutsimik suleqatigiittullu avatangiisinik pitsaasumik pingaartitsisoq.

Naatsorsuutigaarput

• Naapertuuttumik qaffasissumik ilinniagaqarneq, ass. peqqinnissamut tunngasumik imal. innuttaasut peqqissusaat pillugu ilisimatusarnerup/ inuiaqatigiit pillugit ilisimatusarnerup iluani ilinniakkamik imal. inatsisilerinermik tunuliaqutaqarneq. Peqqinnissaqarfiup misilittagaqarfiginissaa piumasaqaataanngikkaluarluni iluaqutaasussatut isigineqarpoq.
• Pisortaqarfimmi sulianik ingerlatsinermik misilittagaqarneq.
• Ilinniakkat akimorlugit avatangiisini annikitsuni suliniutinik suliaqarnermik pikkoriffeqarneq
• Nammineerluni suleqatigiinnilu sulinissamut piginnaaneqarneq kajumissuseqarnerlu.
• Aaqqisuussamik periuseqarneq, peqqissaarneq, sulilluarnissaq siunertaralugu aaqqisuussinermut ataqatigiimmillu aaqqisuussinermut piginnaaneqarneq.
• Qaffasissumik pitsaassusilimmik allakkatigut attaveqatiginnissinnaaneq
• Pitsaassutsimik ilisimaarinnilluarneq suliassanillu ingerlatsinermi akisussaassuseqarneq.
• Kalaallit Nunaanni inuiaqatigiinni pissutsinik kalaallillu oqaasiinik ilisimasaqarneq.

Qinnuteqartumut eqqortumut uppernarsaatissartalinnik piginnaasalimmut naapertuuttumillu sivisussusilimmik atorfeqarsimasumut, siunnersortitut immikkut ilisimasalittut atorfinitsitaanissaq isumaqatigiinniutaasinnaavoq. Qinnuteqartumut peqqissaasutut ilinniarsimasumut, peqqissaasunut isumaqatigiissut naapertorlugu.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

Previous Next

Immikkoortoq:
FacebookTwitterLinkedInE-mailUdskriv

Qinnuteqarnissamut piffissaliussaq:
februaarip 14.-at, 2025

Saaffigisassaq:
Paneeraq Noahsen
+299 34 51 91

Atorfinitsitsinermi pissutsit:
Nal. atorfinitsitsineq

Atorfinitsitsinerup suussusaa:
Piffissaq tamakkerlugu suliffik

Atorfinitsitseriaaseq:
Isumaqatigiissutit tunngavigalugit piumasaqaatit

Suliassaqarfik:
Peqqinneq

Nunap immikkoortua:
Kommuneqarfik Sermersooq

Naalakkersuisoqarfik:
Landslægeembedet
Intaleeqqap Aqq. 2